Էկոտուրին ընդառաջ, մարտի 23-ին Արևելյան և Հյուսիսային դպրոցի սովորողները կարշավեն դեպի Արագածոտնի մարզ, Ամբերդ գետի ստորին հոսանքում գտնվող Ոսկեհատ և Ոսկեվազ գյուղեր:
Ծրագրում՝
- Շաբաթօրյակ Ամբերդ գետի հովտում — Ամբերդ գետի ստորին հոսանքի մաքրման աշխատանքներ Ոսկեհատի Խրիմյան Հայրիկի անվան միջնակարգ դպրոցի 11-րդ դասարանի սովորողների հետ /Կիմա Ստեփանյանի դասարան/:
- Ամբերդ գետից քայլարշավ դեպի Ոսկեվազ գյուղում գտնվող ջերմոց:
- Կրտսեր դպրոցների համատեղ շաբաթօրյակ-էկո-նախագիծ Ամբերդ գետի ստորին հոսանքում — Արևելյան, Հյուսիսային, դպրոց-պարտեզներ
- Քայլարշավ Ոսկեվազ գյուղում՝ քարայրներ
Անհրաժեշտ իրեր
- Ջուր-ջրաման, արշավային բրդուճներ
- Սպորտային հագուստ-կոշիկ
- Մեկանգամյա օգտագործման տոպրակներ, ձեռնոցներ
- Կողմնացույց
- Ուսապարկ
Պատասխանատու ուսուցիչներ՝ Իվետա Ջանազյան, Անժելա Բլեյան:
Ոսկեհատ — Գյուղը հիմնադրվել է 1829-1830 թվականներին։ Ըստ ավանդույթի՝ Ոսկեհատ գյուղի նախկին Փաթրինջ անվանումն առաջացել է գյուղի տարածքում հանդիպող Փաթրինջ ծաղկի անունից։
Ոսկեվազ — Գյուղը հիմնադրվել է 1828 թվականին։ Գյուղի նախկին անունն է եղել Ղզլթամուր։ Ախթամուր գյուղը առնելուց և ավերելուց հետո, Լենկ Թեմուրը շարժվում է հարևան գյուղի վրա։ Սրա բնակիչները սարսափած հանձնվում են։ Լենկ Թեմուրը ներում է նրանց և չի կոտորում։ Ի նշան երախտագիտության՝ փրկված գյուղացիները նրան Ղզլթամուր՝ ոսկի Թամուր են անվանում։ Դրանից հետո գյուղի անունը դնում են Ղզլաթամուր:
Անժելա Բլեյան 