Ողջույն: Ես Անժելա Բլեյանն եմ: Ծնվել եմ Սյունիքի մարզի Ծղուկ գյուղում: Սովորել եմ տեղի միջնակարգ դպրոցում: Դպրոցն ավարտելուց հետո ընդունվել եմ Խաչատուր Աբովյանի անվան Պետական մանկավարժական համալսարանի բնագիտություն բաժինը, այնուհետև ուսումս շարունակել եմ մագիստրատուրայում՝ ֆիզիկա մասնագիտությամբ, որն ավարտել եմ գերազանց առաջադիմությամբ: Նաև հաճախել եմ հաշվապահական դասընթացների, պրակտիկ փորձ ունեմ հաշվապահության ոլորտում: Վերապատրաստման եմ մասնակցել Մխիթար Սեբաստացի կրթահամալիրում: Դիմել եմ բնագիտություն, ֆիզիկա առարկաներ դասավանդելու համար: Կցանկանայի աշխատել նաև կազմակերպիչ, ինչպես նաև այլ առարկաներ կդասավանդեի՝ իմ մասնագիտության շրջանակներում: Ինչպես մյուսները, այնպես էլ ես ունեմ նպատակներ, իսկ իմ նպատակներին հասնելու համար պատրաստ եմ հաղթահարել ցանկացած խոչընդոտ: Սիրում եմ դպրոցը, երեխաներին եւ այն աշխատանքը, որը կապված է դպրոցական կյանքի հետ: Ուսուցչուհի երազել եմ դառնալ դեռեւս մանկուց:Սիրում եմ ճամփորդել, զբաղվել ընթերցանությամբ, երաժշտություն լսել:
Անժելա Բլեյան 