Այսօր կրթահամալիրի բնագետ դասավանդողներով այցելեցինք Գետաշենի միջնակարգ դպրոց: Տնօրենի հետ շրջեցինք դպրոցում,ծանոթացանք դպրոցում իրականացվող աշխատանքներին և նախագծերին: Դպրոցում իրականացնում են տարբեր գործունեություններ, ունեն տարբեր օգտակար զբաղմունքներ, տարբեր արտադրական խմբակներ: Ուսումնական պարապմունքներից հետո սովորողները մասնակցում են արտադրական ուսուցման խմբակների, սովորողները սովորում են օգտագործել գյուղատնտեսական
տեխնիկաները:
Դպրոցի տարածքը բավականին ընդարձակ է, այնտեղ կա և՛ ջերմոց, և ՛ գյուղատնտեսական մեքենաների կայանատեղի: Սովորողները դպրոցի տարածքում բիոհումուսի արտադրություն և աղբի վերամշակում են իրականացնում, սովորողները սովորում են օգտագործել գյուղատնտեսական տեխնիկաները և զբաղվել մի շարք օգտակար աշխատանքներով:
Անժելա Բլեյան 